• Сподели на:

За жената повисокиот маж значи поголема сигурност и сила

___

Жените сакаат повисоки мажи, бидејќи потсвесно ги доживуваат како подобри борци – открило истражувањето на Универзитетот Јута. Во еволуциска смисла, тоа ги прави покорисни за жените. Од перспектива на теоријата за сексуална селекција, жените ги привлекуваат посилни мажи и тоа затоа што можат да ги заштитат и нив и нивните деца – тврди водителот на истражувањето
Дејвид Кариер.

Научниците откриле дека нашите праисториски предци удирале најсилно доколку стоеле на две нозе и дека токму борбата била движечката сила за еволуциско исправено одење.

„Порано во човековата историја, висината им помагала на мажите низ борба да стекнат пријатели и да ги одбранат своите ресурси и потомство. Ако е тоа вистина, жените за партнери секогаш бирале високи мажи, бидејќи имале поголема способност за преживување“ – вели Кариер.

Мажите удираат посилно доколку удираат од горе надолѕ, а ударците на повисоките мажи се многу посилни отколку оние на пониските.

Претходно некои научници утврдиле дека жените повеќе сакаат повисоки мажи, бидејќи висината укажува на „добри гени“. Но, Кариер со тоа не се согласува, бидејќи тогаш би важела претпоставката дека и мажите ги привлекуваат високи жени.

„Мажите секогаш се привлечени од жени со просечна висина или пак дури и од пониски жени“ – заклучува Кариер.


Оставете коментар

___