Како да ја изберете вистинската нијанса на црвен кармин?

Никогаш не излегува од мода, еве како да ја изберете вистинската нијанса:

Проверете ја базата – Секој црвен кармин има жолтеникаво-портокалова, сина или неутрално црвена база. Најдобриот ефект се постигнува со сина база, зошто го намалува жолтилото на забите. Еве како да ја препознаете сината база: повлечете три линии со сите три нијанси на карминот и тоа на внатрешноста на раката, покрај вените. Сините вени ќе ви помогнат да го изберете карминот со сина база.

Кармин во склад со тенот – Црвениот кармин со сина база не стои на темна кожа, зошто ќе направи вашиот тен да изгледа пепеласто. Затоа за црномурестите најдобар избор е црвена боја со неутрална база.

Избегнувајте сјај – Црвениот сјај за усни нема да ги покрие и интензивира усните, нема да го постигнете ниту ефектот за побели заби.

Користете моливче за усни – Изберете моливче во нијанса која ќе му одговара на карминот. Моливчето ќе ја нагласи бојата, ќе спречи карминот да се разлева и ќе го задржи подолго на усните.

Пред да го купите карминот – пробајте го на усните – А доколку не сте во можност да го пробате на усните, тогаш исцртајте линија во близина на крвните садови зошто тоа е најсличната нијанса со вашите усни.