Вазелинот е еден од најевтините производи за убавина. Секој може да си го дозволи и може да послужи како замена за многу креми и други скапи производи за нега на косата и кожата.
Иако има многу примени, малкумина знаат за неговите придобивки по однос на убавината, па затоа и ретко го користат.
За што сè може да послужи вазелинот?
Отстранува шминка
Лосионот или млекото за чистење на лицето од шминка може слободно да го замените со вазелин. Нанесете тенок слој на парче памук и нежно поминете по лицето. Вазелинот ќе ја собере целата нечистотија од лицето и ќе ја отстрани шминката. Потоа само исплакнете го лицето со млака вода.
За убави усни
Испуканите усни за кратко ќе бидат нежни благодарени на вазелинот. Нанесете тенок слој вазелин на усните и оставете да отстои 10 минути. Потоа, со четка за заби (нова, не со онаа која ја користите за забите!) нежно поминете неколкупати по усните. Постапката повторете ја уште еднаш до два пати истиот ден, во зависност од тоа колку многу се испукани усните. На овој начин ќе се отстрани грубата и испукана кожа, а усните ќе бидат нежни и меки.
За убава коса
Расцветаните врвови на косата може да се третираат со вазелин. Наместо регенератор, на врвовите нанесете малку вазелин кој ќе го спречи делењето на влакното, а косата ќе добие убав и здрав сјај.
За убави трепки
Пред спиење нанесете малку вазелин на трепките. Постапката повторете ја уште еднаш по две недели. Вазелинот ги обновува трепките и го поттикнува нивниот раст, па ќе имате убави и подолги трепки.
Вазелинот е одличен за сите делови од телото каде кожата е груба, а сакате да ја обновите и омекнете. Лактите, петиците, дланките, секаде каде имате испукана или груба кожа мачкајте се со вазелин кој за кратко време ќе делува благопријатно на кожата.
You must be logged in to post a comment Login