Пет години откако првпат ја запроси, Картер Реум ја праша Парис Хилтон повторно да се ожени со него. Бизнисменот ја запросил на Денот на вљубените, кој го поминале на Бахамите со своите деца, синот Феникс (3) и ќерката Лондон (2).
„Беше уште помагично од првиот пат. Тоа што Лондон и Феникс беа со нас го направи толку емотивно и посебно“, рече познатата русокоса.
Фотографиите го покажуваат Реум, облечен во целосно бел костум и црни мокасини, како клекнува на едно колено додека ѝ го подарува прстенот во розова кутија на својата сопруга Хилтон, која за таа пригода носеше бел фустан во грчки стил со долги, лелеави ракави.
- Заедно го изградивме ова прекрасно мало семејство, и додека бев на плажа, опкружена со толку многу љубов, се чувствував толку благодарна. Картер е мојот најдобар пријател, мојот партнер, мојата вечност. Секоја година со него е послатка… и овој момент беше чиста бајка – додаде Парис во описот на серијата фотографии.
Откако Хилтон рече „Да“ и откако таа и Реум одвоија малку време да уживаат во моментот со своите деца, им се придружија семејството и пријателите на плажата за да прослават, што беше заокружено со огромен огномет.
Повторното запросување за Денот на вљубените дојде само неколку дена пред 45-тиот роденден на Парис.
