Метју Меконахи ја изгубил улогата на Џек Досон во филмот „Титаник“ затоа што одбил да се согласи со барањето на режисерот Џејмс Камерон да не зборува со јужњачки акцент.
Во својот билтен „What I’m Hearing“, новинарот Метју Белони објави извадок од постхумната книга на продуцентот на „Титаник“, Џон Ландау, „The Bigger Picture“, во која се објаснува што наводно се случило за време на аудицијата на актерот Метју Меконахи.
„Го доведовме да направи сцена со Кејт Винслет. Сакавме да ја провериме хемијата меѓу нив, не само како луѓето изгледаат на филмот, туку и како функционираат едни со други“, пишува Ландау во своите мемоари.
„Кејт беше воодушевена од Метју – неговиот изглед и шарм. Метју ја играше сцената со јужњачки акцент“, пишува PageSix.
Кога Меконахи зборувал со јужњачки акцент, Камерон наводно му рекол: „Одлично“, но додал: „Сега да пробаме на поинаков начин“.
Досон требало да биде сирак од Чипева Фолс, Висконсин, кој се обидува да се врати во Соединетите Држави преку несреќен прекуокеански брод по патување во странство.
Ландау тврди дека Меконахи категорично го одбил барањето на Камерон да го промени акцентот, велејќи: „Не. Тоа беше доста добро. Фала“, што го чинеше улогата.
