Џеј Ло носеше црно боди со долги ракави, црни чорапи со впечатлив цветен дезен и високи црни потпетици.
Џенифер Лопез уште еднаш докажува дека годините за неа не постојат. Поп дивата и актерка, која го прослави својот 56-ти роденден пред неколку недели, објави серија нови фотографии на Инстаграм – и никогаш не изгледала подобро.
Овој пат, таа се одлучи за комбинација која зрачи со познатиот француски шарм и сексапил. Џеј Ло носеше црно боди со долги ракави, црни чорапи со впечатлив цветен дезен и вртоглаво високи црни потпетици. Изгледот го надополни со кожна беретка, а она што особено го привлече вниманието на фановите беа нејзините извајани бутови, што предизвика вриење на социјалните мрежи.
Коментарите под објавата беа полни со комплименти, а многумина го нарекоа нејзиниот „најдобар изглед досега“. Еден следбеник напиша: „Џ.Ло, ти си уметничко дело“, додека други истакнаа дека изгледа подобро од кога било во својата кариера.
Фотографиите брзо собраа стотици илјади лајкови, а модните критичари се согласуваат – со овој едиторијал, Џенифер Лопез уште еднаш покажа дека е вистинска икона на стилот и дека нејзиниот сексапил не избледел дури ни по децении во центарот на вниманието.
