Ленени, со тантела, карнери…многу модели кои можат лесно да го надополнат Вашиот изглед!
Блузите без прерамки се повторно во мода. Но тоа не значи дека сите кошули и блузи треба да ги спакувате. Сите знаеме дека интересна кошула или блуза може да биде вистински избор на речиси секоја комбинација. Затоа Ви претставуваме 11 модели на кошули и блузи кои лесно го надополнуваат и освежуваат секој стил.
Пеплум блуза
Откако стана актуелен (пред две, три сезони) ова парче облека не излегува од мода било да е пролет, лето есен или зима. Лелеав и секси, стана основен дел на секоја комбинација кој совршено одговара со тесно здолниште, панталони или фармерки!
Свилена блуза
Свилените блузи се безвременски, изгледаат софистицирано во комбинација со куси панталони и темни фармерки. Идеална комбинација за на работа, попладневно кафе или коктел на отворено. Можете да ги носите подотворени или целосно закопчани. И во двата случаи, тие се во тренд.
Блуза со тантела
Блузата со тантела совршено одговара со едноставни модели на панталони, кратки здолништа, фармерки. Држете се до неутрални бои во есенскиот и пастелни за летниот период.
Морнарска маица со ¾ ракави
Сите имаме барем една ваква маица во нашиот гардеробер! Памучна, со сини линии, совршено оди со тесни фармерки.
Тексас кошула
Секоја жена ја има во својот гардеробер.
Свечена блуза
Ниедна дама не би смеела да нема една гламурозна блуза во некој интересен материјал (со бисери, свилени реси, итн). Облека која ќе даде на секоја ваша комбинација гламурозна нота.
Бела кошула
Она што претставува црниот фустан во сферата на фустаните, тоа е и белата кошула меѓу кошулите. Една и единствена. Безвременска и удобна за носење во сите прилики, во комбинација со: црни панталони, фармерки, кратки здолништа, кожа, ленени панталони…одговара со сé!
You must be logged in to post a comment Login