Зошто е супер да се биде русокоса и како да се стане убава русокоса
Факт 1
Русата коса предизвикува внимание. Секојдневно на улица среќаваме жени со различни бои на коса. А дали сте свесни колку повеќе ги забележувате русокосите? Да секако! Не е важно дали е женствена, нежна, провокативна или софистицирана, русокосата жена е секогаш забележителна. Зошто? Поради сите овие факти кои ќе бидат наведени.
Факт 2
Да се биде русокоса е исто како и facelifting без хируршки зафат. Дали сте знаеле дека русата коса ја подмладува секоја жена? Само притоа многу е важно да се одбере нијансата според бојата на тенот, бојата на очите како и обликот на фризурата. Нестручниот избор може да даде контра ефект. Златестите бои се убави, но жолтите никако! Границата меѓу нив е многу мала. Затоа русокоси; побарајте совет од стручњаци, а не по принципот „сам свој мајстор“!
Факт 3
Светлата косата создава зависност. Колку русокоси се обиделе да си ја потемнат косата? Скоро секоја. Но повторно се враќале на русата коса. Еднаш обоена во руса коса, без обѕир на сите наши желби, секогаш се враќаме на русата коса. Не е тоа ни физичка , ни психичка зависност. Тоа всушност е зависност од убавиот изглед. За она чувство кога сме биле со светла коса со која сме привлекувале внимание.
Факт 4
Дефинитивно најженствена боја на косата. Гламур, сензуалност, елеганција, привлечност, милина и уште многу други карактеристики кои го чинат вистинското лице на женственоста.
Факт 5
Русата коса ја храни самодовербата. Русокосите жени изгледаат и се чувствуваат посигурни. Чувството како да сте банкнота од милион долари! Тоа е оној момент кога излегувате од фризерскиот салон со крената глава и си велите самите на себе: I feel good! Само Русокосите тоа го доживуваат 5 пати посилно! Бидејќи вие сте си ја освежиле својата боја, а русокосата своето его!
Факт 6
Господата навистина ги сакаат русокосите. Кој маж не би сакал покрај себе да има една таква женствена божица? Тие сакаат да се фалат и да го покажуваат својот трофеј, а русокосата жена покрај нив им го дава тоа чувство на гламур и престиж.
Факт 7
Славните жени русата коса ја доживуваат како симбол. Сетете се на брзина на 5 славни жени. Сигурна сум дека барем 3 од нив ќе бидат русокоси. И ним русата коса им дава сигурност. Тоа е нивен заштитен знак, зарем не? Мадона во една прилика има речено:„ Да се биде русокоса, дефинитивно тоа е друга состојба на умот.“
Факт 8
Русата боја е боја на успехот. Русокосите жени во деловниот свет пленат! Нели е сега тоа контра ефект поради сите оние вицови или пак од русокосите едноставно не се ни очекува да се паметни, сè уште не е потврдено, но едно е сигурно; русокосите жени ги отвораат сите врати!
Факт 9
Русокосите подобро се забавуваат. Има ли за тоа што да се каже? Самоувереноста е дефинитивно најсилниот клуч за добра забава.
Факт 10
Русокосите жени имаат свое гледиште. Секоја жена има свое гледиште, но познато е дека русокосите не се ограничуваат да ги изнесат своите гледишта. Дали тие своите ставови и гледишта ќе ги изнесат со бакнеж на сцена или пак во некоја расправа во која таа не ќе го штеди своето мислење, главно русокосата жена има свој став и не останува никому должна!
