Една убава и вистинска врска може да биде уништена, ако едниот од партнерите си мисли дека го сака партнерот повеќе отколку тој него. Престанете да си наметнувате мисли од родот: “Тој не ме сака така како што јас го сакам него.“ Луѓето кои се обременети со вакви мисли, започнуваат излишно да се загледуваат во детаљите од секојдневието. Тие си водат статистика, водат сметка што тие прават за саканиот човек и што тој прави за нив. Често сметаат дека нивните гестови се многу повеќе од неговите.
Кога ќе се забележи ваков недостаток на баланс, човек почнува да смета дека таа врска не е равноправна и соодветно нема иднина. Никој не сака да сака повеќе отколку што самиот е сакан. Во такви моменти човек почнува да стравува дека е единствениот вљубен и наскоро ќе биде оставен. Поради таа причина неговото однесување се менува, тој станува сомничав, губи доверба во партнерот и без причина сам си ја уништува врската.
Кај повеќето парови се докажало дека сите мисли се погрешни и се родиле поради ниска самодоверба на едниот партнер и неспособноста да поверува дека на крајот го сретнал вистинскиот партнер и дека навистина е важен за некого.
Кога една врска ќе стане премногу сериозна и истовремено натоварена со ситни проблеми и сомнежи некои луѓе сметаат дека наместо да се обидат да ги решат конфликтите, многу полесно е да се разделат и да почнат од почеток со нов човек.
Но дали навистина ќе можете да се вљубите повторно и толку силно во друг човек?
