Човек се раѓа умерен егоист но животот го менува. Тој или станува голем егоист кој ги дразни останатите или станува човек кој мисли за сите други, но не и за себе. Умерените егоисти се среќаваат се поретко.
Кога зборуваме за љубов што е според вас поважно – вие или партнерот? Всушност за да имате здрава врска вие прво треба да се сакате и почитувате себе си, а после тоа партнерот. Не треба да бидете во врска поради страв од осамен живот, несигурност и зависност. Кога двајцата партнери си го гледаат како својот така и туѓиот интерес и имаат лично пространство тогаш врската им е здрава и им носи задоволство.
Повеќето од вас веќе биле на крилата на љубовта нели? Знаете како е да се биде вљубен и да правиш се возможно за човекот до себе како и често да ги запоставуваш своите чувства и емоции, за да биде тој среќен.
Кога ќе се качите на авион вие добивате инструкции за во случај на катастрофа. Најважното од сето тоа е дека треба да направите се што можете за да се спасите. Но зошто не ви велат да им помогнете и на другите? Зошто нема смисла да се борите за туѓиот живот кога вашиот виси на влакно и зошто ако не сте хумани по природа нема кој да ве убеди дека треба да им помагате и на оние околу вас.
Ситуацијата во љубовта е многу слична. Вие не можете да го сакате вистински човекот до себе ако самите не се сакате доволно. Затоа е поважно прво да си го гледате сопствениот интерес, за да сте среќни и дури тогаш да ја споделувате љубовта со околните – партнер, пријатели, роднини и др.
Не бидете жртва на љубовта, ослободете се од робското размислување. Ако човекот до вас не ве цени, најдете друг. Нели во љубовта е важно да се чувствуваш слободен?
