Бевме со нашите пријатели, се смеевме и уживавме во вечерта по напорниот работен ден. По вечерта, мојот сопруг со кој бевме заедно веќе 12 години, ме праша што сакам да правиме во недела.
Во тој момент замолчев. Моите очи беа насочени некаде во длабочината на мојот ум. Во тој момент го знаев одговорот. „Мојата душа е преморена“ – беше мојот одговор на неговото прашање.
Тој само климна со главата, давајќи ми до знаење дека ја разбрал мојата порака, но и да ми каже дека ќе биде тука за мене кога ќе се вратам. Се откажа од плановите за таа недела да ја помине со мене, знаејќи дека јас тој ден ќе бидам со мојот друг љубовник.
Некои го нарекуваат грижа за себе, потреба за самотија и уште неколку други фрази кои го опишуваат начинот на кој јас го изневерувам мојот сопруг. Постојат два пара во нашиот брак, јас и тој, но и јас и себеси.
Како и многу други успешни бракови, така и нашиот е изграден на независност. Кога сме заедно сè оди лесно, поминуваме време заедно, имаме деца, дом, примања и цели. Пред сè ние сме пријатели.
Но, понекогаш тоа не е доволно, барем мене не ми е доволно.
Тоа не влијае негативно на нашиот брак. Едноставно го потврдува фактот дека сум личност со еден лик со многу личности во себе и никогаш нема да бидам задоволена од само една личност во мојот живот. Мојот сопруг тоа го разбира и го прифаќа.
Пред неколку месеци, кога бев во потрага по себеси, по исполнет живот, открив дека имам потреба од уште една работа. Тој ме исполнуваше, но јас повторно не се чувствував исполнето. Овој парадокс ме доведе во потрага по одговори.
Во тој момент наидов на цитат кој ми даде одговор на моите прашања. Во основа, цитатот прашува: „Ако ве прашаат да ги наброите имињата на најважните луѓе во вашиот живот, тие кои ги сакате повеќе од било што, колку време ќе ви биде потребно за да се наброите и себеси?“
Јас не се именував себеси…
Тогаш сфатив која е убавината на независноста. Јас не сум целосен љубовник на мојот партнер, ако сум делумен на себеси. Тој ден започнав да излегувам на состаноци со себе, да си зборувам со себе и да се слушам со внимание, како што го правев тоа и за мојот сопруг.
Утрото по средбата со нашите пријатели се разбудив покрај него, но не се свртев за да го гушнам и да го прашам како спиел, бидејќи тоа беше денот кога јас ќе го изневерам повторно. Наместо него, се свртев кон мојата страна и се прашав себе – Како спиеше? Како се чувствуваш?
Одговорот на тие прашања ме доведе до кујната каде си подготвив кафе и мал појадок. Седнав на каучот и си читав сама на себе проза.
Вака почнуваат повеќето утра кога сум на состанок со себе – бавно и нежно, без потреба да разговарам со некого.
Состаноците со себе понекогаш се кратки, како долга купка по напорен ден или подолги како ручек и прошетка во парк. Кога сум на состанок со себе не размислувам ниту за сопругот, ниту за моите деца.
Кога го изневерувам мојот сопруг со себе, се враќам дома како подобар партнер, бидејќи сум релаксирана, задоволна и душата ми е подготвена повторно да работи во полна пареа.
Лесно е да заборавиме на себеси, во потрагата да бидеме најдобри во улогите кои ни се доделени во нашиот живот. Па состаноците со себе, по цена да заборавите на сите други околу вас, даваат моќ како ништо друго.
Секогаш ќе го изневерувам мојот сопруг со себе, редовно и повеќе ќе го сакам него и повеќе ќе се сакам себеси, тогаш кога ќе му се вратам во прегратките.
You must be logged in to post a comment Login