• Сподели на:

Во која група парови спаѓате?

___

Нашето воспитување одредува каков љубовен партнер ќе најдеме, бидејќи ако нашите родители имале брак исполнет со љубов и почитување, многу е веројатно дека и самите ќе го бараме истото – истакнува британскиот експерт за врски, Вал Сампсон.

Според тие сознанија, експертите ги делат паровите во шест типови, а идентифиикувањето со нив може да го олесни разбирањето на своите и партнеровите потреби.

Куче и маче

Станува збор за пар кој постојано се расправа во приватноста на својот дом, како и во јавност. Таквиот пар заедно го одржува магичниот круг на карање и смирување, а неретко е пропратен со страствен секс. Доколку еден од нив го прекрши пактот на доверба, тоа може да стане врска од пеколот. Нивните раскинувања се исто така многу непријатни.

Ловец и плен

Парот ужива во вечната потера, бидејќи едниот партнер секогаш го лови другиот. Често, кога ќе им стане досадно, парот ги менува улогите, па така ловецот станува плен и обратно. Најмногу стравуваат дека нема повеќе да му бидат потребни на другиот партнер.

Родител и дете

Во овој однос, партнерот спрема другиот партнер се однесува како кон дете. Главна задача му е грижата и задоволувањето на неговите потреби. Таквиот тип на однос се развива најчесто откако парот ќе добие деца или еден од партнерите стане ранлив, на пример откако ќе добие отказ.

Идол и обожавател

Во овој однос сè е црно и бело. Едниот партнер е „прекрасен“, а другиот го обожува. Во ваквата врска нема место за развој.

Деца во шума

Во оваа врска парот дели сè, од мислењата до хобито. Овој тип на врска е чест кај луѓето кои се чувствуваат несигурно. Понекогаш се толку насочени еден кон друг што е тешко да се ѕирне во нивниот свет.

Возрасни

Ова е функционална врска меѓу двајца возрасни луѓе со сите свои интереси и конфликти. Често се комфорни и не се предаваат лесно на страстите.


Оставете коментар

___