Ирската нискотарифна авиокомпанија “Рајанер” планира да воведе летови од Европа до САД по цена од 10 долари!
Директорот на “Рајанер” Мајкл Олари соопшти дека неговата компанија планира да воведе летови до Њујорк и Бостон по цена од 10 долари во еден правец, но пред тоа мора да набави авиони за долги дестинации.
Се планира летовите до Њујорк да бидат организирани од 14 европски градови, а цената на повратен билет да биде околу 20 евра. Во цената на билетот нема да бидат вклучени дополнителните услуги како што се багаж, храна, пијалоци, можноста за бирање на седишта и сл.
Цената на билетот на планираните летови нема да биде 10 евра за сите места, бидејќи местата во бизнис и премиер класата ќе бидат значително поскапи, се додава во соопштението.
За овој проект ќе бидат потребни месеци работа, дури можеби и години.
“Рајанер” во моментов располага со флота од 300 “Боинг” авиони за средни дестинации кои сообраќаат само во Европа. На компанијата и се потребни сериозни инвестиции пред воведување летови до САД.
“За летови до САД потребни ни се 30, 40, 50 авиони”, објасни директорот на компанијата. “За набавка на нови авиони ќе ни бидат потребни пет години, а дополнителни шест месеци додека тие не полетаат за САД”, додава Олари.
You must be logged in to post a comment Login