Connect with us

Hi, what are you looking for?

runway

____лајфстајл features

Преболете го бившиот во 5 чекори

Да сакате некој кој повеќе не ви ја возвраќа љубовта е дефинитно едно од најлошите чувства на светот. За време на прекинувањето можеби и двајцате се согласувате дека врската не може да продолжи понатаму, но тоа не значи дека и лесно ќе ја преболите таа личност.

Едноставно, не вреди да се навраќате на нешто што само ќе ве повреди и нема да ви дозволи да продолжите понатаму. Затоа, ние ќе ви помогнеме да го преболите бившиот партнер со 5 едноставни совети.

 

1. Во ред е да се плаче

Чувството кое ве обзема после прекинот на врската е ужасно, без сомневање. Но, не мислете дека ќе бидете смешни доколку агресивноста, тагата, и негирањето излезат на виделина. Тие се сосема нормални чувства. Наместо да ги игнорирате, исплачете се, викајте хистерично, испијте неколку чаши вино, што било што ќе направи да се чувствувате подобро.

 

2. Не измачувајте се себеси

Проблемот во раскинувањето е дека можеби никогаш нема да ги најдете одговорите кои ги барате. Можеби ќе смислувате милион различни ситуации за тоа зошто ви го скршил срцето, на пример затоа што бил премногу зафатен со работата, или пак му треба свој простор.  Не трошете го залудно вашето време со креирање на вакви ситуации во вашата глава. Соочете се, и продолжете понатаму.

 

3. Далеку од дофат

Најдобриот начин да преболите некој е да се обидете да го живеете животот нормално, без притоа да се потсетувате на него. Тоа значи дека треба да прекинете секаков контакт со него. Исто така, фрлете ги сите работи кои ве потсетуваат на него, вклучувајќи ја и сликата која ја чувавте во паричникот. Доколку немате храброст да ги фрлите работите, тогаш ставете ги во некоја кутија, која ќе ја ставите на некое место далеку од дофат.

 

4. Откријте ја повторно вашата сингл страна

Време е за вашата нова фризура, која вие толку ја посакувавте, а нему едноставно не му се допаѓаше. Одете на шопинг и правете ги работите кои ги сакате, а претходно не сте можеле. Почнете да велите „да“ на некоја понуда од спротивниот пол и забавувајте се.

 

5. Дајте му време на времето

Оваа фраза можеби веќе стана клише, но морате да признаете дека е вистинита. Едноставно, тоа е најлесниот начин да преболите некој. Игнорирајте ги советите од вашите пријатели кои само ќе ви одмогнат, и посветете си време на самите себе. Доколку сакате некое време да одморите од личности од спротивниот пол, тогаш така и нека биде. Единствената личност која може да направи да се чувствувате подобро, сте токму вие!

Advertisement
Advertisement

Прочитај

Cotton Club

Фотографката Никол Луиз Перкинс од Велика Британија, која моментално работи во средно училиште за деца со посебни потреби, го осмисли проектот Даун Дизни, во...

Cotton Club

Некои се сигурни дека маските кои донекаде штитат од коронавирус се модна изјава, на другите не им е грижа, па затоа ги ставаат најчестите...

Fool Moon

Лавот сака да биде во центарот на вниманието, Овенот сака личен обожавател, а Стрелецот сака авантура и некој што може да го следи неговото...

Fool Moon

Лилјанот е цвет што претставува доблест и чистота во христијанството и со тоа се поврзува со Пресвета Богородица, за што сведочат и делата на...