Убавите манири на користење на приборот за јадење вашето одење во ресторан ќе го направи пријатно и ќе овозможи да уживате во дружењето и храната со на вас драги личности.
Седнувате на маса и гледате уредно наредени чинии, чаши, салфета и прибор за јадење. Нервозни сте, бидејќи не знаете која виљушка е за салата а која за десерт, која чаша за црно а која за бело вино… За да работата биде уште полоша, не знаете што попрво треба да користите лажица, виљушка или нож!
При јадење секогаш се зема приборот кој е најодалечен од чинијата. Приборот за јадење се држи цврсто но не и круто.
Ножот се држи во десната, а виљушката во левата, а ако јадете само со виљушка, тогаш таа се држи во десната рака. Лажицата се држи така да палецот стои на горната, а показалецот и средниот прст на долната страна на дршката.
Ножот и виљушката се држат така да дршката се опфати со показалецот и палецот, а се потпира на останатите три прсти кои не се совиткани. При сечењето ножот се притиска со показалецот, но не премногу јако и не преблизу до острото. Ножот никогаш не се става во уста. При јадење храната се принесува кон устата, а главата при тоа само малку се наведнува.
На сликата под текстот гледате правилно нареден есцајг, чинии и стаклени садови на маса:
You must be logged in to post a comment Login