“Чудно е колку малку е потребно за да бидеме среќни, и уште почудно тоа што често баш тоа малку ни недостасува!”, Иво Андриќ.
Немој пасивно да ја чекаш среќата. Прави го следново:
- Не се споредувај со другите, особено не со пријателите од Фејсбук и останатите социјални мрежи, бидејќи поголемиот дел од нив таму лажно се претставуваат и го прикажуваат само најдоброто од нивниот живот.
- Не зборувај негативно за другите луѓе. Не критикувај, туку пофали некого кога за тоа постои причина. Насмевката и доброто расположение се пола пат до среќата.
- Спиј најмалку осум часа во текот на ноќта.
- Не ги задржувај емоциите, лоши или добри. Плачи, смеј се, секогаш кога за тоа ќе почувствуваш потреба.
- Научи да кажеш не – недвосмислено.
- Најди време во текот на денот, барем еден час, да се посветиш на себе и своите потреби.
- Во ништо не претерувај.
- Живеј во сегашноста – немој да жалиш за минатото, немој да се грижиш пред време.
- Посвети се на другите, колку тебе ти одговара, а не колку што другите очекуваат од тебе.
- Уживај во мали работи.
Некои трчаат по среќата, други ја создаваат. Кога животот ќе ти приреди илјада причини за плачење, покажи му дека имаш илјада причини за насмевка.
You must be logged in to post a comment Login