Летото ни носи радости во многу облици, а една од нив се праските. Сочни и вкусни, веројатно сите имаме залиха на праски во фрижидерот, а зошто не би го сакале овошјето кое нè освежува и содржи само 60 калории.
За овој рецепт ќе ви бидат потребни 5 состојки и само 30 минути, а резултатот е фантастичен тарт со праски, кој одлично оди во комбинација со кафе или чај.
Не треба да сте професионалец во кујната, бидејќи рецептот е едноставен, само треба да имате желба.
Потребни состојки:
- 1 готово лиснато тесто
- 3 големи праски
- 1 јајце
- Шеќер во прав
- 1 лажица лимонов сок
Начин на подготовка:
1. Загрејте ја рерната на 220 степени.
2. Исечкајте ги праските и измешајте ги со сокот од лимон во мал сад.
3. Ставете го лиснатото врз хартија за печење. Полека и нежно направете рабови на тестото како за пица, на оддалеченост од околу 2,5 cm од краевите навнатре, но внимавајте да не го исечето тестото. Поминете ја целата внатрешност на лиснатото со врвот на виљушката со нежно притискање.
4. Изматете го јајцето со две мали лажички вода. Нанесете ја смесата на краевите од лиснатото тесто.
5. Печете во загреана рерна, од 15-17 минути или додека тартот не добие златна боја.
6. Откако ќе се олади, наросете шеќер во прав и дегустирајте.
You must be logged in to post a comment Login