Десерт без печење: Нес коцки

Уште еден совршен сладок рецепт за топлите летни денови се нес коцките.

Се подготвуваат без многу мака и трошок, а се вкусни за секоја пригода.

Потребни состојки:

• 150g бисквити
• 2dl млеко

За чоколадниот фил:

• 2 пудинзи од чоколадо
• 4 лажици шеќер
• 3 лажици сечкани лешници
• 100g чоколадо за готвење
• 6dl млеко
• 100g шеќер во прав
• 180g маргарин

За филот од кафе:

• 300g Маскарпоне крем сирење
• 3,5dl слатка павлака
• 150g шеќер во прав
• 1 лажица Нес кафе
• 10g желатин во прав

Начин на подготовка:

Чоколаден фил:

1. Во сад ставете 5dl млеко, додадете шеќер и варете додека не зоврие.

2. Останатото млеко посебно изматете го со пудинг од чоколадо и ставете го во зовриеното млеко и продолжете со варење додека не згусне. Пред крајот на варењето додадете искршена чоколада за готвење и мешајте додека не се стопи.

3. Посебно изматете го омекнатиот маргарин со шеќер во прав и соединете го со оладениот пудинг и измешајте. На крај, додадете ги сечканите лешници и измешајте.

Филот од кафе:

1. Изматете го крем сирењето со шеќер во прав и Нес кафе.

2. Измешајте ја слатката павлака додека не стане цврст шлаг и соединете ја со филот од Маскарпоне.

3. Прелијте го желатинот со 4 лажици ладна вода и оставете да набабри, а потоа додадете го подготвениот фил и полека мешајте.

Крајна постапка:

1. Дното од тавата покријте го со натопениот кекс во млеко. На него намачакајте го чоколадниот фил и оставете комплетно да се олади.

2. Потоа, нанесете го филот од кафе, израмнете и оставете го во фрижидер за да се зацврсти.