Зошто е тешко да најдете работа која ќе ве исполнува?

Во модерното општество, работата значи нешто повеќе од она што им значела на нашите предци. Денес не се работи само за начин на преживување или нужда, туку се спремиме и кон тоа да најдеме кариера која ќе не исполнува. Ова не е секогаш лесно, но постојат одредени насоки кои можат да ве усмерат во вистинскиот правец. 

Ова видео од Youtube каналот The School of Life го истражува модерниот концепт според кој работата треба да донесе исполнување но и сигурност. Каква и да е ситуацијата наоѓањето на работа која има значење може да ви изгледа како лукзусна предност која само неколкумина ја достигнуваат. Сепак, многумина сонуваат да ја остварат својата страст или да живеат по свои правила.

Постојат многу аргументи за што една кариера треба да биде. Исполнување може да значи различни работи за различни луѓе, но многу луѓе се чувствуваат заглавени во своите ситуации. Работата ја чувствуваат како терет кој од ден на ден се повеќе ги истоштува и прави несреќни. Ако се чувствувате заглавени или дека работата која имате не ви преставува предизвик и задоволство, еве неколку работи кои треба да ги имате на ум додека се обидувате да откриете што „работа која исполнува“ значи за вас:

• Сосема е нормално за да бидете конфузни: денес постојат повеќе опции и кариери од кога било во минатото.
• Запознајте се себеси: Направете листа на се што уживате да правите или работите, и почнете да ја филтрирате. Не можете да го правите тоа што го сакате, се додека не знаете што сакате.
• Мислете, мислете, мислете: Можеби ќе ви треба време да ја најдете што точно ве исполнува, но тој процес ќе биде уште подолг ако не одвоите време за да размислите што точно е тоа.
• Пробувајте нови работи: Побргу ќе се запознаете себеси и ќе дознаете што сакате ако пробувате работи кои не сте ги направиле претходно. Можеби ќе откриете нешто ново што сакате, или ќе сфатите дека сте биле на вистинскиот пат цело време.
• Размислете што ги прави луѓето несреќни: Бизнисите и професијата се само решенија за проблемите на луѓето. Што можете да правите што ќе направи луѓето среќни?

За крај, најдете начин да верувате во себе. Вистинската самодоверба може да ве однесе многу подалеку од која било вештина. Но се уште треба да се прашате себеси во што сте навистина добри? Бидете горди на себеси и на она за што сте способни. Сите ние сакаме да имаме што е можно поисполнети животи, но задоволството нема туку така да падне од небо. Треба да се потрудите да го најдете.