Планирате деловна вечера? Обрнете внимание на однесувањето на маса

Деловните манири не се само дел од вашето секојдневие во канцеларија. Во денешно време сè почести се помалку формалните приеми, бранч средби, деловни ручеци и вечери… во текот на кои можете многу да направите за вашата кариера. За да се претставите во што подобро светло, прочитајте како треба да се однесувате за време не деловниот оброк.

Однесувањето на маса е многу важно, особено ако треба да постигнете важен деловен договор. Опуштете се и однесувајте се природно, но пристојно

ПРОВЕРЕТЕ ГО МЕНИТО

Однапред информирајте се за тоа какво е менито во ресторанот во кој ја планирате вечерата. Ако не ви се допаѓаат специјалитетите, изберете било што за да нарачате. Подобро однапред испланирајте, отколку на лице место да ги задржувате останатите гости.

Запомнете: примарната цел на деловната вечера (или ручек) не е храната.

НЕ БИДЕТЕ ГЛАДНИ

Ако сте многу гладни, нема да можете да се сконцентрирате на работата. Затоа никогаш не одете на деловен ручек или вечера со потполно празен стомак.

Каснете парче сирење или некој крекер за да немате чувството на празнина во стомакот.

БИРАЈТЕ ЈАДЕЊЕ КАКО НАДРЕДЕНИ

Ако вашиот деловен партнер или шеф нарача лесна пилешка салата или некое друго „здраво“ јадење, приклучете му се. Немојте да го привлекувате вниманието на себе со својата огромна порција печење.

УМЕРЕНО СО ПИЈАЛОКОТ

Деловните преговори може да ги залиете со чаша вино или некој друг пијалок, но не претерувајте. Додека двете страни не ги стават своите потписи, договорот не е склучен. Не дозволувајте да ве понесе атмосферата, па заради неколку пијалоци да ви попуштат запирачките, а со тоа да го упропастите долго планираниот деловен успех.

СТАНДАРДИ

Кога со некого ја делите трпезата, тоа е своевиден дел од интима. Како јадете и како се однесувате на маса, многу зборува з авас. Придржувајте се кон класичните правила на однесување: не дувајте го носот за време на јадењето, затворете ја устата додека џвакате, не ставајте ги прстите во уста, избегнувајте да јадете од туѓи чинии, салветата не ставајте ја на масата туку на столот, ако одите до тоалетот.

НЕ СЕ ОДНЕСУВАЈТЕ КАКО ДЕТЕ

Не ја сецкајте целата храна во чинијата пред да почнете да јадете – така се храната деца, а не возрасни, одговорни луѓе. Избегнувајте од лебот да правите топчиња.

ИЗБЕГНУВАЈТЕ ЛЕПЛИВА ХРАНА

Топено сирење, шпагети со било каков вид на сос, чери домати – тоа е храна која спаѓа во ризичен избор бидејќи лесно можете да се испрската или да го измачкате лицетео или облеката. Избегнувајте спанаќ и броколи (лесно се заглавуваат меѓу забите).

МЕСТОТО НА ТЕЛЕФОНОТ НЕ МУ Е НА МАСА

За време на оброкот, телефонот, или пак уште полошо, лаптопот не треба да стои на масата. Постојаното контролирање на дисплејот или праќањето пораки е непристојно. Телефонирање пак, не доаѓа во предвид. Ако не можете да се исконтролирате, оставете го телефонот во автомобилот или дома.

НЕ СЕ ИСТУРАЈТЕ ВРЗ КЕЛНЕРИТЕ

Дури и ако ве истурат црно вино врз вашата скапа бела кошула додека сте на многу важен состанок, немојте да ги обвинувате, да ги навредувате или пак да им викате на келенрите. Ним им е веќе доволно непријатно поради тоа што се случило. Покажете ја својата топла, човечка природа. Со тоа значително ќе го подобрите впечатоот за себе.