Хотелот La Mamounia постои од 1923 година и за време на неговото постоење се наметна како еден од најубавите во Маракеш и скоро секогаш како прва асоцијација кога мислиме на луксузен престој. Иако хотелот е реновиран во 2009 година, тие одлучиле уште еднаш да го реновираат по повод неговиот 100-ти роденден. Работата започна во март годинава.
Овој пат делото им било доверено на париските архитекти Патрик Џуин и Саџит Манк. Архитектите направиле лесен фејс-лифт на просторот, од страна на клиентот, затоа што краткиот налог нареди да се задржат сите карактеристики на хотелот и неговиот препознатлив карактер.
Покрај промените во декорот, нови ресторани ве очекуваат тука. Два веќе се отворени како дел од проектот, а едниот е во сопственост на славниот готвач Жан Џорџ Вонгерихтен. Тој ќе ја надгледува кујната на новиот азиски ресторан чие мени се фокусира на специјалитети од Јужна Азија, но исто така, ќе го превземе и италијанскиот ресторан познат по своите најдобри пици во Маракеш.
Новините не завршуваат тука. Отворен е и „Salon de thé by Pierre Hermé“, кој служи појадок, попладневен чај и закуски, сите под франшизата на францускиот слаткар Пјер Херме. Во барот Черчил, работите се исто така различни и сега барот со 20 седишта служи кавијар направен специјално за хотелот од најстарата работилница за кавијари во Париз – Кавиари. Покрај тоа, поранешниот марокански ресторан на покривот на хотелот, сега е претворен во трендовски салон-бар кој ќе има диџеј со полно работно време.
La Mamounia отсекогаш бил хотел кој е симбол на рафиниран луксуз и раскош, а со овие промени неговата елеганција и величественост дополнително се истакнуваат. Кога на сето ова ќе додадеме ново приватно кино, простор за вечера до 12 лица и фантастичен спа центар, ќе го ставиме на списокот за задолжителна посета откако сето ова ќе заврши.
La Mamounia, Marrakech, Morocco. Photo by Alan Keohane www.still-images.net for La Mamounia.
