Доказ дека сè е можно ако се сака – Јога за сите женски големини

Сите сакаме да изгледаме добро и да бидеме во топ форма, но неретко патот до целта ни го попречуваат безбројни изговори: „Уморна сум, не можам да вежбам денеска“, „Ладно ми е“, „Многу ми се спие“, „Ќе одмарам уште денес, дефинитивно започнувам од утре“, итн…

Овие жени сериозно си го сфатиле предизвикот да се биде во одлична кондициона форма, а за своја физичка активност ја одбрале токму јогата.

Всушност, убавината на јогата, како што велат самите, е што не постои еден единствен калап, односно матрица, според која треба да се вежба. Секој си ги бира вежбите и начинот на кој ќе започне, а пријатно ќе се изненадите каде ќе ве однесе сето тоа потење.

Фотките се доказ дека јогата е совршен начин да ги тестирате можностите на своето тело и сопствената флексибилност, како и фактот дека не мора да си слаб за да вежбаш или да бидеш здрав.

Поголемиот дел од нив тврдат дека со помош на јогата подобро се запознале, се прифатиле себеси, и го засакале своето тело. Воедно, успеале да пронајдат внатрешен мир и начин на кој ќе се релаксираат и ќе го елиминираат стресот кој се акумулира во текот на денот.

Се надеваме дека ќе ви ја донесат потребната доза фитнес-инспирација за да започнете со вежбање уште денес…