• Сподели на:

До подобра меморија со какао

___

Со текот на годините и процесот на стареење луѓето постепено започнуваат да ја губат меморијата. Новата студија на Медицинскиот центар при универзитетот од Колумбија покажа дека консумацијата на какао може да ги спречи овие промени во мозокот.

Претходните истражувања открија дека нормалното намалување на когнитивната функција е поврзано со промени во оној дел на хипоталамусот кој е задолжен за формирање на нова меморија.

-Пронаоѓањето на врската меѓу причината и последицата беше главен мотив на студијата, но во меѓувреме откривме дека примената на какао може да го подобри помнењето, па дури и да ја поврати меморијата која се губи како резултат на стареењето, вели професор Скот Смол, водач на истражувањето.

За време на последната студија научниците го истражуваа влијанието на флаванолите од какаото врз делот од хипофизата задолжен за меморијата. Триесет и седумте испитаници биле поделени во 2 групи од кои едната консумирала повеќе флаваноли (900 мг на ден), а другата помалку (10 мг на ден) во период од 3 месеци. По завршувањето на истражувањето е утврдено дека оние кои земале поголемо количество флаваноли имале поголема циркулација на крв во хипофизата како и 33 проценти подобрување на меморијата, за разлика од оние кои консумирале помалку флаваноли.

-Ако испитаникот на почетокот од истражувањето имал меморија типична за 60-годишен човек, по три месеци меморијата му се подобрила како на 40-годишник, стои во студијата.

Тимот на научници планира да го повтори истражувањето, но овој пат со поголема група на испитаници со цел подобро да го анализира влијанието на флаваноли како и кое е оптималното количество кое што треба да се консумира за да има позитивни резултати по меморијата.


Оставете коментар

___