Connect with us

Hi, what are you looking for?

runway

____баланс новости и трендови

DASH диета за рамен стомак и подобро здравје

DASH е всушност кратeница за: Дијететски пристап за регулирање на хипертензијата – бидејќи првично беше ” фокусирана” за намалување на крвниот притисок и крвните масти, а не е занемарен и ефектот на дијабетесот

 

Убедливо една од најуспешните, диета која беше прогласувана за една од најдобрите диети во САД (4 години по ред ) и создадена од страна на нутриционистката М. Хелер .

Инаку , DASH е всушност кратeница за: Дијететски пристап за регулирање на хипертензијата – бидејќи првично фокусирана за намалување на крвниот притисок и крвните масти, а не е занемарен и ефектот на дијабетесот. Не е чудо што оваа диета е поддржана од најголемите институти во САД кои се занимаваат со националното здравје.

 

Ефектот на оваа диета е многу поширок и многу кои ја применувале забележуваат промени во кожата, косата и целокупното ниво на енергија. Диета која, секако, вреди да се проба , ако ништо друго заради ” тврдоглавите” стомачни масти кои оваа диета ќе ги земе како со рака и ќе го направи вашиот стомак рамен и привлечен.

 

Клучот на диетата е изборот на храна : треба да се изберат посни протеини и здрави масти кои ќе ви дадат чувство на ситост и контрола на апетитот . Нема броење на калории или размислување за храната која треба да се избегнува .

 

Самата диета се одвива во две фази: првата трае 14 дена, во која се намалува внесот на јаглени хидрати , а со тоа се предизвикува промена во метаболизмот на телото , заради намалувањето на производството на инсулин. За да се постигне ова, две недели не се јаде ни овошје ниту житни растенија или слатки , а се јаде главно посно месо и риба со многу зеленчук (забелешка: исто така да се избегнуваат компири) … На дневното мени да бидат ниско масното сирење и јаткасти пладови(ореви,лешници, бадеми,…) .

 

По две недели , кога започнува втората фаза, исхраната може да вклучува интегрални житарки, овошје и компири.

 

Кои се резултатите што се однесува до губитокот на тежината? Па … не е ни малку лошо. Во период од две недели, обично се губат околу 2 килограми, а во период од два месеци , од 5 кг до 15 (се разбира, во зависност од почетната тежина). Ако овие бројки се премногу мали , не заборавајте дека се работи за многу здрава диета која ќе ви помогне, функциите на телото да се донесат во нормала и дека главниот “напад ” на телесните масти да биде точно во стомакот.

Што да јадете , а што не во фаза 1 (фаза губење на масти од стомакот )

Пред се, треба да се забележи дека задолжително е да имате три оброци : појадок, ручек и вечера. Ако сте гладни , можете да имате две ужинки, во кои се јадат семиња и / или зеленчук. Редовноста на оброците е многу важна и не треба да се прескокнуваат оброци.

Потоа, количината на храна треба да биде умерена, а како мерка може да се користи вашата дланка : количината на месо или риба која се јаде во еден оброк треба да биде со големина на вашата дланка и дланка грав, ореви , леќа и соја е доволно она што ви треба за еден оброк . Сирење треба да се јаде во мали количини до 50 гр. Не грижете се за зеленчукот: Јадете колку што сакате.

 

ДОЗВОЛЕНА ХРАНА

 

Протеини

Посно месо, риба, живина, грав и леќа, соја, ниско масно сирење , јајца, незасладен јогурт ( 1 чаша дневно)

 

Масти

Растителни масла ( препорака: маслиново масло ), масла од јаткасти плодови(ореви, лешници,бадеми,…), масла од маслена репка

 

Протеини и масти во комбинација

Јаткасти плодови (сирови и несолени), семиња, мрсна риба (особено лосос и скуша)

Зеленчук

Сите зеленчуци, освен компири

 

НЕДОЗВОЛЕНА ХРАНА

 

Јаглехидрати

Житарици и житни производи, слатки , алкохол, пијалаци со кофеин, млеко и млечни производи (освен ниско-масно сирење и јогурт )

 

Масти

Маргарин, кокос и палмино масло, маст, сите маснотии кои содржат хидрогенизирани масти (како што се растителни масти , растително сирење и слично).

 

Зеленчук

Компир

 

Овошје

Овошјето е забрането во Фаза 1 ( свежо, замрзнато, конзервирано, сушено овошје во било каква форма )

 

Во оваа фаза: Пијте многу течности (по можност вода, а по неа растителните чаеви) , избегнувајте напорни физички вежби и замените ги со поедноставни активности – на пример , одење 30 минути на ден, спијте многу и одете рано на спиење. Не претерувајте со солта , па дури ограничете ја нејзината доза. Бидете мотивирани и мислете на рамниот стомак кој ќе го имате по оваа фаза :).

 

Менито во чекор 2 или како да продолжите во намалувањето на телесната тежина и да останате витки

Во втората фаза, треба да се продолжи  со внесот на многу протеини и зеленчук со секој оброк – а можете да почнете со додавање на интегрални житарици(до три порции ) и овошје (две порции ) на ден. Можете да го зголемите и нивото на вашите активности.

 

Тоа практично би изгледало вака: Со оброкот, да додадете 1 парче леб или половина чаша варени тестенини или исто толку варен кафеав ориз. Или малку компири со лушпа или лажица интегрални зрна. Од овошје – помала овошка или овошен сок до 1 дл (свеж) или лажица суво овошје …

 

Не заборавете дека во оваа фаза ќе продолжите да ја губите телесната тежина ( и ќе дојде до подобрување на здравјето ).

 

Идеи за појадок, ручек, вечера и ужина кај DASH диетата

 

Како што е наведено потребни се три оброци и две ужинки, а тука имате некои идеи кои ќе ви дадат поттик и сами да истражувате:

 

Појадок (изберете едно)

1. Еден варени јајца со една или две парчиња пржена сланина и една чаша сок од домати.

2. Омлет  од 2 жолчки, парче печено говедско месо и 1 домат .

3. Парче од мисирка и сирење и чаша сок од зеленчук.

4. Јајце- бел омлет (две белки ) со парче шунка и печурки.

5. Грст ореви и зеленчук ( целер , ротквици, моркови, краставици , пиперки …).

 

Ужина (изберете едно наутро и едно попладне )

– Парче сирење и моркови

– Еден мал јогурт + десет ореви или други јаткасти плодови

– Една лажичка путер од кикирики и целер

– Малку немасно сирење и целер

 

 

Ручек (изберете едно)

1. Пилешки гради на скара и голема зелена салата со малку маслиново масло и оцет.

2 . Два или три парчиња шунка и парче сирење. Послужете ги со зелена салата прелиена со масло и оцет. Додаток – една свежа краставица.

3. Една конзерва туна со една лажица мајонез, ситно сецкан кромид и малку бибер. Со ова оди една голема салата зачинета со масло и оцет.

4. Големи домати полнети со сирење, млад кромид и зачинет со растителни зачини.

5. Печени печурки на скара, со тенко парче од шунка и сирење .

 

Закуски во доцните попладневни часови (необврзно)

– Дланка несолени, печени кикирики или фстаци (околу 20 парчиња)

– Лажица немасен хумус и свеж зеленчук.

 

Вечера (изберете едно)

1. Еден говедски хамбургер печен на скара , со зеленчук на пареа.

2. Пилешко со салата , посеан со пињоли(плодови од бор ореви), масло и оцет .

3. Печен лосос и кинески зеленчук.

4. Свински котлети со пире од карфиол, грашок и оцет.

5. Салата од грав, со голема зелена салата .

 

И на крајот …

Се на се, ова е уште еден голем предизвик, особено со оглед на својата цел : рамен стомак и отстранување на мастите од стомакот, а може да биде лесно и брзо остварливо, без премногу жртва. Затоа што, навистина, реално што се две недели …

Прочитај

Wall Street

Piaget Altiplano Ultimate го пронајде своето место меѓу светските рекорди, сместувакќи 167 поединечни делови во куќиште длабоко 2 mm без било каков компромис. И...

Fine Living

Во изминатите неколку недели, New York е на насловите во сите вести и весници како град кој е најсилно погоден од корона вирусот… Ситуацијата...

Cotton Club

Долгогодишното лице на брендот Prada, моделот Freja Beha Erichsen, го освои водечкото место во својата нова кампања пред есен 2020…. Фотографирала David Sims, се...

Green Tea

Иноваторите од компанијата Matrix Industries ги слушнаа нашите поплаки и го креираа Juno – уред кој може инстант да ги разлади вашите омилени пијалоци....