Американската актерка Тејана Тејлор го украде шоуто на ревијата на Скијапарели појавувајќи се во „гол“ фустан – проѕирен чипкан фустан кој ги следеше нејзините облини.
Тејлор носеше парче од брендот на чија ревија присуствуваше, а мрежестата фустанка со долги ракави имаше везени цвеќиња и достигнуваше под колената.
Над фустанот носеше палто префрлено преку рамената. Прекрасна бисерна тиара, заедно со ѓердан и обетки додаваа гламур на оваа облека. На нозете имаше црни сандали со платформа.
Кога влезе на самата ревија, го соблече палтото и лесно позираше за фотографии.
Во текот на четири дена, од понеделник 26 јануари до четврток 29 јануари, Неделата на висока мода за жени во Париз ги носи колекциите пролет/лето 2026.
Тејлор беше номинирана за Оскар за споредна женска улога во филмот „One Battle After Another“, а неодамна избираше облека од Скијапарели за доделувањето на наградите „Golden Globes“.
Во интервју за Холивуд репортер таа призна дека номинацијата предизвикала мешавина од воодушевување и изненадување.
„Мојата тетка работеше во кујната, а јас се одмарав, па се разбудив и го видов преносот во живо. Беше малку нереално, се чувствував како да сонувам. Дефинитивно сум пресреќна и преплавена на најдобар можен начин“, рече таа.
