Моделот Хејли Бибер е ѕвездата на новата кампања на Victoria’s Secret за Денот на вљубените, појавувајќи се во неколку различни комбинации.
Моделот и основач на брендот Rhode се појавува во серија разиграни фотографии кои ја одразуваат енергијата на брендот Victoria’s Secret, презентирајќи мешавина од заводливи стилови.
Фотографиите што ги сподели брендот го прикажуваат Бибер во комбинација од огнено црвена долна облека, потоа црн чипкаст комплет со црвени детали, а имаше и нежно розова комбинација со халтери.
Таа привлече внимание и со пресоздавање на фотографија од Жизел Бундшен од 2001 година, која позираше за истиот бренд додека седеше во фиока од комода и ги лакираше ноктите.
Фотографиите ја прикажуваат Бибер како лежи на кревет и на подот во провокативни пози, а друг сет фотографии вклучува светло розов боди кој го искомбинирала со фармерки.
Во истата кампања се појавуваат и Изабели Фонтана, Мати Фол Диба и Алексис Карингтон.
Во 2021 година, Хејли стана дел од „Victoria’s Secret VS Collective“ – ова е нов пристап на брендот во кој, наместо класични „ангели“, се ангажираат познати личности, модели и инфлуенсери за промоција и дизајнирање колекции и претставување на брендот.
Оттогаш, таа учествуваше во неколку кампањи и промотивни снимања за „Victoria’s Secret“ и беше лице на различни колекции. Сепак, таа не прошета на официјалната модна ревија на брендот.
