Американската актерка Џенифер Анистон потврди на социјалните мрежи дека е во романтична врска со Џим Кертис и ја објави својата прва заедничка фотографија.
Во описот на фотографијата на која го прегрнува, таа напиша: „Среќен роденден, љубов моја, сакан мој“.
Корисниците на Инстаграм му посакаа среќен роденден во коментарите и коментираа дека се многу убава двојка.
„Не би можела да бидам посреќна за тебе. Срцето ќе ми експлодира“, „Прекрасни сте заедно“, „Не можам да опишам колку сум среќна што си среќна, Џен“, се некои од нив.
Гласините дека двајцата се во врска почнаа да се шират во јули оваа година, кога беа фотографирани на Мајорка. Во август, беа фотографирани на ноќно излегување со Кортни Кокс и нејзиниот партнер Џони Мекдејд.
Џенифер Анистон има два брака зад себе – со Бред Пит и Џастин Теру. Кертис има син, Ејдан, од бракот со Рејчел Наполитано.
