Според одредени американски медиуми, актерката Дајан Китон му оставила пет милиони долари на своето сакано куче по нејзината смрт.
Добитничката на Оскар Дајан Китон почина минатата сабота, 11 октомври, на 79-годишна возраст. Китон беше најпозната по своите улоги во „Ени Хол“ и „Кум“, како и по нејзиниот лежерен и иконски стил и духовитост.
Таа беше и голем застапник за правата на животните, а особено го сакаше својот златен ретривер, Реџи. Всушност, Китон го сакаше Реџи толку многу што по нејзината смрт, некои медиуми објавија дека таа му оставила на кучето 5 милиони долари во својот тестамент.
Еден од анонимните извори му кажал на британскиот новинар Роб Шатер дека „Дајана се шегувала дека нејзините големи љубови се нејзините деца, Ал Пачино, архитектурата – и тоа куче“.
Последната објава на Дајан Китон на Инстаграм, споделена на 11 април 2025 година, беше посветена на Националниот ден на домашните миленици и Реџи, нејзиниот најлојален придружник.
За потсетување, нејзиното семејство потврди во изјава за списанието „Пипл“ дека Китон починала од пневмонија на 11 октомври, а им се заблагодариле и на обожавателите за нивната љубов и поддршка.
„Семејството Китон е толку благодарно за извонредните пораки на љубов и поддршка што ги добија во текот на изминатите неколку дена во име на нивната сакана Дајан, која почина од пневмонија на 11 октомври“, се вели во соопштението.
Во соопштението исто така наведоа дека Китон ги сакала своите миленици и била непоколеблива во поддршката на заедницата бездомници, па затоа секоја донација во нејзин
