Глобалната музичка ѕвезда Тејлор Свифт и ѕвездата на НФЛ, Тревис Келс, ги изненадија обожавателите објавувајќи ја својата свршувачка на социјалните мрежи.
Двојката сподели заедничка објава за свршувачката на Инстаграм, споделувајќи неколку романтични фотографии во бујна, цветна атмосфера, за која се верува дека била локацијата на запросувањето.
„Вашата професорка по англиски јазик и професор по физичко се венчаваат“, рекоа тие.
Врската на Свифт и Келси започна летото 2023 година, откако Тревис се обиде да ѝ подари нараквица за пријателство со неговиот број на неа за време на една од нејзините „Eras Tour“.
Тие почнаа да се забавуваат кратко потоа, а тоа го потврдија на јавноста неколку месеци подоцна кога Тејлор присуствуваше на еден од неговите натпревари.
Во текот на изминатите две години, двојката често се гледаше заедно – Свифт редовно присуствуваше на натпреварите на Канзас Сити Чифс, додека Келси го следеше нејзиниот распоред на концерти, па дури и се појави на сцената за време на еден од нејзините настапи.
Иако сега се официјално свршени, двојката сè уште не откри детали за датумот или локацијата на нивната свадба. Обожавателите низ целиот свет со нетрпение очекуваат нови информации, додека социјалните мрежи се преплавени со честитки и ентузијастички реакции.
Свифт и Келси, познати по нивната топла и забавна меѓусебна динамика, уште еднаш покажаа колку се блиски – и приватно и јавно.
