Кејт Мидлтон, принцезата од Велс, не се појавува во јавноста толку често како порано бидејќи по хемотерапијата одлучи постепено да се врати на кралските должности, и секој пат кога ја гледаме таа блеска.
Сепак, иако вестите за нејзиното здравје се добри, расте јавната загриженост дека сопругата на принцот Вилијам никогаш не изгледала послаба.
По нејзиното неодамнешно присуство на Вимблдон, можеше да се прочитаат коментари дека нешто се крие од јавноста, а обожавателите на Кејт Мидлтон се плашат дека еден ден ќе чуеме дека сите знаеле дека нешто не е во ред, но не им било дозволено да проговорат.
Како што сега дознава „Radar Online“, принцезата од Велс наводно тежи околу 40 килограми, а извори блиски до Кејт велат дека ова може да биде лош знак.
„Кејт е болно слаба, а луѓето се загрижени дека ова е знак дека се бори со закрепнувањето од третманот за рак или, уште полошо, дека нејзината болест се вратила“, изјавил извор за гореспоменатиот портал.
„Таа поминала низ многу и сака да биде со кралското семејство и да придонесе, но очигледно е дека не е добро“, додаде изворот, продолжувајќи:
„Гласините се дека поминува низ тежок период, дека нема апетит и затоа губи тежина. Таа е слаба и има малку или воопшто нема мускулен тонус. Кејт отсекогаш имала атлетска фигура, но сега е далеку од тоа. Поминала низ тежок пат. Хемотерапијата не е лесна и оставила трага.“
„Се чини дека прерано се нафатила на премногу работи. Очигледно е дека на Кејт ѝ треба одмор и грижа“, истакнува анонимниот извор.
Д-р Гејб Миркин, кој не бил вклучен во третманот на принцезата, изјавил за „Radar Online“ дека изгледот на Кејт може да биде знак дека таа не реагира добро на третманот.
„Кејт е сериозно неухранета со 40 килограми, 19 месеци по абдоминална операција, рак и хемотерапија. Ова сериозно губење на тежината може да биде предизвикано од самата хемотерапија, недоволна исхрана затоа што не се чувствувате добро или несоодветен одговор на третманот за рак. Тешкото губење на маснотии, мускули и коски може да ја ослабне способноста на имунолошкиот систем да се бори против ракот“, објаснил докторот.
