За разлика од неговата мајка, кралот Чарлс често јавно зборувал за многу работи, а една од нив е архитектурата. Многу луѓе го знаат неговиот презир кон современата архитектура, која со потсмев ја нарече куп „стакло и никулци“. Сепак, Чарлс отиде чекор понатаму и го дизајнираше градот според неговите идеи за архитектура и урбанизам.
Градот на принцот Чарлс се вика Паундбери и всушност е продолжение на градот Дорчестер во југозападна Англија. Изграден е на земјиште што му припаѓало кога бил војвода од Корнвол.
Кога било одлучено Дорчестер да се прошири, Чарлс видел можност да ги спроведе своите идеи во дело, што го навело да ангажира голем број архитекти и градски планери. Изградбата започна во 1993 година, а Чарлс ја базираше конструкцијата на идеите од неговата книга од 1989 година „Визија на Британија: личен поглед на архитектурата“.
Во градот живеат 4,5 илјади луѓе, а најпознат локален производ е чоколадото
„Ми рекоа дека тоа воопшто не е економично. Сите беа против тоа“, изјави Чарлс во документарецот од 2019 година. „Но, бев одлучен во намерата. Продолжив и покрај сите критики, извици и врескања бидејќи секогаш верував дека проектот ќе биде успешен на долг рок“, објасни тој.
Некои критичари истакнаа дека поради премалку сообраќајни знаци и необични криви улици, Паундбери изгледа како град со играчки и со оваа споредба сакале да го покажат „аматерскиот пристап“ на Чарлс.
Но, други му се восхитуваа на Чарлс што се држел до своите идеали повеќе од 30 години и што можел да изгради град во кој денес живеат повеќе од 4,5 илјади луѓе и во кој луѓето постојано се доселуваат.
За Паундбери, Чарлс дизајнирал „згради кои произлегуваат од архитектонската традиција и се во хармонија со природата“. Во градот работат околу 2,5 илјади луѓе во канцеларии, продавници, кафулиња и фабрики, а најпознат производ од Паундбери е чоколадото.
