Путин се појави во јакната на модниот бренд Лоро Пиана на стадионот Лужники во Москва на настанот по повод годишнината од анексијата на Крим.
Во време кога на Русија и беа наметнати остри економски санкции, кои ја загрозуваат иднината на следните генерации на земјата, рускиот претседател се појави во јакна која чини 13.000 евра, што секако е митска сума за просечниот работник. Според светските медиуми, се проценува дека околу 200.000 Руси веќе ја напуштиле земјата, верувајќи дека ќе следат полоши денови.
Под јакната, претседателот на Русија тој ден носел ролка од модната куќа Китон, која чини 2.800 евра. Неговиот скап стајлинг разбесни многу граѓани, предизвикувајќи бран реакции на Твитер.
Поради големата „прашина“ која се крена на социјалните мрежи, италијанската модна куќа е под притисок да дава изјави за изгледот на рускиот претседател, а на ова барање се потпишале 1.300 луѓе.
Пјер Луиџи, потпретседател на модната куќа Лоро Пиана, за италијанските медиуми изјави дека сликата на Путин носејќи нивна креација „создава одреден срам од човечка гледна точка“.
Тој додаде: „Јасно е на чија страна сме… Украинците ќе ја имаат сета наша морална и практична поддршка“.
Сепак, треба да се напомене дека италијанската куќа, дел од гигантот за луксузни стоки LVMH, ги затвори своите продавници во Москва и Санкт Петербург, како одговор на руската инвазија на Украина на почетокот на овој месец.
