Илон Маск, најбогатиот човек на светот, веројатно ќе плати данок кој е можеби највисок во историјата на САД – откако со години плаќал многу малку (легално).
„За оние кои се прашуваат, ќе платам повеќе од 11 милијарди долари данок оваа година“, твитна извршниот директор на Тесла. Во исто време, Илон Маск нема плата, се потпира на акциите, а од почетокот на ноември ги продаде акциите на Тесла во вредност од 14 милијарди долари.
Шефот на Tesla и SpaceX е „тежок“ 244 милијарди долари, што го прави најбогат човек на светот.
Маск уште во јуни твитна: „Ќе продолжам да плаќам данок на доход во Калифорнија пропорционално на времето поминато во државата, што е и ќе биде значајно“.
Да потсетиме, добротворниот извршен директор на Tesla од 19 до 29 ноември минатата година донираше 5.044.000 акции во добротворни цели. Донацијата беше вредна 5,74 милијарди долари, а овој великодушен гест сигурно ќе остане запишан во историјата како една од најголемите добротворни акции досега.
