Во последно време многу се зборува за миење на рацете. Но сепак, лицето е најмногу изложено на надворешни агенси, така што секогаш кога се миете треба да обрнувате внимание.
Вообичаено правило е дека лицето се мие двапати на ден, но не секој се придржува кон ова правило. Експертите велат дека тоа е во ред, затоа што зависи од вашиот тип на кожа, дали повеќе се потите и слично. Од друга страна, некои одат во крајност – од оние што се мијат „само за посебни прилики“ (да, има такви луѓе), до оние што се мијат 5-6 пати на ден.
Тековната состојба диктира, никогаш да не го прескокнувате миењето. Замислете сценарио на некој заразен со вирус на корона што кива близу вас и ситни капки кои завршуваат на вашето лице – миењето е составен дел на одржување на хигиената.
Луѓето со проблеми со мрсна кожа и акни се советуваат да го мијат лицето три пати на ден во нормални услови кога нема пандемија. Оние со сува кожа – двапати на ден. Сега кога постои ризик од зараза, ако сте останале надвор, кога ги миете рацете, измијте го и лицето. Користете бебешки сапун за да го измиете лицето, затоа што со миење секако го отстранувате површинскиот слој на кожата и дел од природните маснотии што кожата ги произведува за да се заштити. По миењето, заштитете ја кожата со навлажнувач, бидејќи со често миење кожата се суши, поради што настануваат брчки.
You must be logged in to post a comment Login