Ветувањата за тоа како ќе почнеме да штедиме повеќе, кои многупати си ги даваме, најчесто важат за празни ветувања.
Откако ќе ги прекршиме и ќе потрошиме повеќе од тоа што сме планирале, чувствуваме грижа на совест, па повторно поминуваме низ истиот процес на пребројување и ветување.
За среќа, новинарот Карл Ричардс, од „The New York Times“, има решение кое може да ни помогне кога се во прашање парите.
Тој кажува дека е најдобро да чекате да поминат 72 часа пред да донесете одлука за купување.
Ричардс го цитира австрискиот автор, невролог и психијатар, Виктор Франкл, кој кажал: „Помеѓу желбата и одговорот постои простор. Во тој простор е нашата моќ да донесеме одлука.“
Првиот чекор е искористување на моќта на тој простор, знаејќи дека постои. Вториот чекор е усовршување на вештината за чекање.
Советите како: „Користете ги само вистинските пари“ или „Заклучете ги кредитните картички“ се многу корисни во тој поглед.
Се работи за обичен тренинг поради кој ги забележуваме нашите вистински желби. Какво е чувството кога сакате нешто? – вели Ричардс.
Еден од начините за создавање на тој простор е 72-часовното правило.
You must be logged in to post a comment Login