Решението не е во скапите креми, ниту во вештачките таблети, туку во овошјето и зеленчукот коишто ги имате во домот… Направете го овој домашен сок, пијте го секој ден пред летувањето, а како резултат ќе добиете боја како никогаш претходно!
Бета каротенот е магична состојка којашто ви е неопходна не само за добар тен, туку и за силен имунитет и убав изглед на кожата. Иако често се говори дека бета каротенот е исто што и витаминот А, вистината е дека всушност се работи за провитамин од овој драгоцен витамин.
Со други зборови, се работи за растителен пигмент којшто нашиот организам го претвора во витамин А после консумирањето.
Веројатно сега се прашувате и зошто е сето тоа толку важно, па да ја разрешиме оваа дилема. Бета каротенот ги обновува клетките, ја штити кожата од штетните УВ зраци и чини кожата многу побрзо да ја прими бојата од сонцето. Па, ако редовно консумирате намирници коишто содржат каротени, ќе можете да се сончате само во дозволениот период, а тоа е наутро пред 10 часот и попладне после 18 часот, а дома да се вратите со боја како оние девојки коишто буквално се “пржеле” по цел ден.
Бета каротенот е исклучително важна состојка за нашата кожа во текот на целата година, а тоа особено важи за летниот период. Тој го поттикнува природното потемнување на кожата и зголемувањето на количеството на меланин, пигмент којшто делува како природна заштита од УВ зраците, кои не само што чинат кожата побрзо да старее, туку и го зголемуваат ризикот за појава на карцином на кожата, објаснуваат дерматолозите.
Морковот е секако најдобар извор на бета каротен – на крајот на краиштата, по неа и го добил името, но освен морковот, постојат и доста други овошја и зеленчуци коишто ќе ви помогнат во мисијата – секси тен за само 10 дена.
Тука секако спаѓаат сите оние намирници коишто имаат портокалова и црвена боја, како тиквата, доматот, слаткиот компир, праските и кајсиите. Интересно е дека дури и зелениот лиснат зеленчук исто така содржи бета каротен, којшто е всушност и силен антиоксидант.
Сок за брзо потемнување
Состојки:
● 1 морков
● 1 праска
● 1 кришка свежа тиква или диња
● 1 јаболко
Подготовка:
Едноставно ставете ги сите овие состојки во соковник а по желба може да додадете и други овошки за да добиете подобар вкус. Додадете на крајот и малку лимон поради витаминот Ц и пијте го овој сок секојдневно, наутро пред појадокот.
Овој сок се препорачува да се пие 10 дена пред летувањето, но освен во тој период, треба да се потрудите и во текот на целото лето да консумирате намирници коишто се богати со бета каротен.
Овој рецепт ви гарантира најбрзо и најбезбедно потемнување, но секако не заборавајте – заштитата во вид на крема е секако неопходна.
You must be logged in to post a comment Login