Џен Селтер е девојката чиј задник ги урива сите закони кои важат во логиката и физиката. Благодарени на вежбите кои се нејзино секојдневие таа може да се пофали со совршено тело и 2 милиони следбеници на Инстаграм.
За сите оние кои би сакале да имаат затегнат и обликуван задник како нејзиниот, таа ги споделува петте најважни вежби кои ќе ви помогнат да дојдете до посакуваните резултати.
1. Клекнете на колена, така што ќе се потпирате на сите 4 екстремитети. Држејќи го коленото свиткано и стапалото во флекс позиција кренете ја нагоре десната нога и притиснете со стапалото кон таванот сè додека ногата не ја кренете повисоко од задникот. Вратете ја ногата назад но без да ја потпирате на земја. Повторете ја вежбата 15 пати па сменете ги нозете..
2. Наместете го телото како за претходната вежба, но сега наместо да ја кревате ногата нагоре, придвижете ја ногата странично, задржувајќи го коленото свиткано и стапалото во флекс позиција. Туркајте со ногата сè додека таа не стане паралелна со подот. Вратете ја ногата назад, но без да ја потпирате на земја. Повторете ја вежбата 15 пати па сменете ги нозете.
3. Поставете столче пред вас (по можност повисоко). Застанете на растојание кое е отприлика колку вашите раце и фатете се за задниот дел од потпирачот на столчето за да одржувате рамнотежа. Благо наведнете се нанапред и кренете ја десната нога директно зад вас, без да го виткате коленото. Внимавајте да не ги отворате колковите при кревањето на ногата. Кренете ја ногата најмногу што можете па бавно спуштете во првобитната положба. Повторете 10 пати па променете ја ногата. Направете две серии од оваа вежба.
4. Раширете го стапалата малку повеќе од ширината на рамената, така што прстите на стапалата ќе ви бидат свртени нанадвор. Исправете ги рацете пред вас и започнете со чучнувањата водејќи сметка колената да ви бидат паралелни со стапалата. Останете во позиција на чучнување и движете се нагоре-надолу. Повторете го движењето нагоре-надолу 10 пати па исправете се. Повторете ја вежбата 15 пати, направете мала пауза и повторете уште 2 серии.
5. Раширете го стапалата малку повеќе од ширината на рамената, така што прстите на стапалата ќе ви бидат свртени нанадвор. Исправете ги рацете пред вас и започнете со чучнувањата сè додека задникот не ви дојде под висината на колената. Внимавајте колената да ви бидат паралелни со стапалата. Потоа исправете се и кренете ја левата нога странично колку што можете повисоко. Потоа вратете ја назад и повторете ја вежбата. Направете 10 вежби па променете ја ногата. Направете 3 серии од оваа вежба.
You must be logged in to post a comment Login