Најчести заблуди за стомачните мускули

Каде и да се завртите сигурно ќе пронајдете совети, текстови и видеа кои ќе ве доведат до совршените стомачни мускули. Но, зошто ниту еден совет не пали кај вас?

Можеби затоа што сè уште верувате во овие митови и заблуди:

1. Секојдневниот тренинг води до добро дефиниран стомак

Стомачните мускули се како сите останати мускули во телото. И тие си бараат време за да се опорават од напорните вежби. Доволно е да правите интензивни вежби 3 пати во неделата, не претерувајте.

2. Стомачни вежби – најдобри за обликување на стомакот

За абдоменот постојат стотици вежби, со кои за жал многумина не се запознаени, па затоа ги форсираат класичните стомачни вежби. Она што не го знаете е дека тие поинтензивно го тренираат делот кај колковите, отколку мускулите.

3. Упорноста води до добро дефинирани стомачни

Треба да запаметите дека заради вишокот масти, плочките се ретко видливи. Самиот интензитет на вежбите не е доволен. Мастите се отстрануваат со диета и кардио тренинг.

4. Страничните кривини на стомакот се клучни за добро дефиниран стомак

Ако често форсирате вежби со кои ги напнувате страничните мускули, тие со текот на времето ќе станат посилни и развиени, што може да доведе до спротивен ефект – поширок струк.

5. Големиот број повторувања се неопходни за плочки на стомакот

Вистина е дека ви се потребни дополнителни 8-12 повторувања, но плочки ќе видите само ако го намалите процентот на масти во исхраната, а го зголемите времетраењето на кардио тренингот. Нема потреба од поголемо оптоварување или тежина, само контролирајте ги движењата и интензитетот.

Совет: Намалете со шеќерот и јаглехидратите

Шеќерот може да создаде зависност, така што ќе ви биде потребно подолго време да го истренирате телото и умот. Запаметете дека тој не е добар ниту за вашата кожа, за вашето расположение, а најмалку за добро дефиниран стомак.

Задржете се до зеленчукот, месото, рибата, белките, јаткастите плодови и семките, интегралниот леб, компирот, киноата, овесните снегулки и никогаш нема да имате проблем со висок процент на масти во телото.