Бебињата уште од самото раѓање имаат потреба за нежност и допири, а тоа најлесно се постигнува со галење и масажа.
За време на масажите бебето треба да биде на мека подлога, како онаа за преслекување, а на бебето веројатно би му се допаднала масажа додека е без облека веднаш после бањање – затоа што тогаш најмногу го чувствува допирот кожа на кожа.
Нанесете малку бадемово масло или масло за бебешка кожа на своите дланки и полека масирајте го стомачето на бебето. Внимавајте, затоа што вашите раце треба да бидат топли со цел на бебето да му биде удобно. Масирајте нежно и со еднакво темпо со цел да не го вознемирите. Додека идеалната масажа за стомак е со кружни потези, рацете и нозете масирајте ги со долги и бавни потези. Бебето ќе ужива во лесна масажа на обравчињата и челото.
Масажата не е само ритуал кој е начин на смирување пред спиење. Кога ќе забележите дека бебето е нервозно, повремено масирајте го и наутро и преку текот на целиот ден.
https://www.youtube.com/watch?v=fL5zDdLK_Uw
You must be logged in to post a comment Login