Факти кои треба да ги знаете пред да се роди вашето бебе

Со самото раѓање на бебето си доаѓаат огромен број обврски и задачи, но и факти за кои сигурно претходно не сте се заинтересирале.

Ова се само дел од најинтересните кои треба да ги знаете пред да го кажете првото „добредојде на овој свет“:

1. Вашето новороденче ќе спие помеѓу 14 и 18 часа дневно. За жал, тој сон ќе биде поделен на 8 кратки делови во текот на денот и ноќта.

2. На бебето му се потребни 3 недели да сфати дека може да го контролира движењето на рачињата. Прстињата ќе останат стуткани сè додека не го изгуби рефлексот и не ја рашири раката.

3. Вашето мало паметно бебе може да го разликува гласот на мајката од сите останати. Кога ќе го слушне, обично се смирува и се концентрира на она што таа ќе го зборува, без да трепне.

4. Со оглед на тоа дека во текот на денот ќе има околу 12 оброци, ни малку не е чудно што во текот на првите 6 месеци тежината двојно ќе се зголеми.

5. Ако вашето бебе е родено со сиво-сини очи, големи се шансите дека со текот на времето нивната боја ќе се промени.

6. Во текот на првите недели од животот солзните канали нема да произведуваат солзи, но тоа не значи дека бебето не може да плаче.