Секојдневно се откиваат нови бенефиции од кокосовото масло, кои стануваат се поголем хит, како во кујната, така и за грижа на телото и косата.
Кокосовото масло на собна температура изгледа како бела кашеста маса, а е полно со хранливи материи, масти и содржи антибактериски својства. Идеално е за сува, оштетена и кршлива, како и за густа и кадрава коса. Кокосовото масло ќе и даде на вашата коса сјај и волумен, и ќе го намали губењето и оштетувањето на косата.
Кокосовото масло продира длабоко во влакното на косата и на тој начин го заштитува од штетното дејство на водата и временските услови, губењето на протеини и спречува сушење на косата. Истовремено ја задржува хидратацијата на кожата и ја стимулира циркулацијата на скалпот помагајќи при проблеми со перут.
Наједноставен начин за вклучување на кокосовото масло во вашиот третман е директно да го измешате маслото во вашиот стандарден шампон.
Пред да го измешате со вашиот шампон, потребно е да го стопите кокосовото масло за да стане течност, а потоа да го сипете во шампонот и добро да го протресете. Потоа треба да продолжите со миење на косата како и обично, со еден исклучок – регераторот повеќе нема да ви биде потребен.
За почеток, мешавината нека биде во однос 1:6 кокосово масло наспроти шампон. По миење, косата не би требало да биде масна, ако се случи тоа, тогаш сменете го односот според потребите на вашата коса.
You must be logged in to post a comment Login