Ајде да ја разбиеме монотонијата на класичниот француски маникир и да ги средиме ноктите на еден поинаков начин. Доколку се решите да ја примените постапката опишана подолу, ќе имате уникатен маникир, различен од другите.
Се што ви е потребно за овој маникир е:
Неколку различни бои на лакови (најмалку два);
Чаша со ладна вода;
Чепкалка за заби;
Селотејп и
Малку имагинација.
Постапката е следнава:
Во чашата со вода ставате една капка од првата боја на лак, па од втората, третата и така се додека имате бои на лак, односно онолку бои колку што сакате. Потоа, со чепкалката за заби „цртате“ шара. Го лепите со селотејп прстот околу ноктот за да не се направите од вишокот на лак и потоа го ставате ноктот во чашата со лак. Со помош на чепкалката за заби го отстранувате вишокот лак, го вадите ноктот од чашата. Го отстранувате селотејпот и доколку е потребно со отстранувач на лак за нокти го зачистувате прстот. Накрај го премачкувате ноктот со проѕирен лак за нокти за да има сјај и тоа е тоа. Препуштете се на вашата имагинација и на забавен начин имајте поинаков маникир од останатите.
Во продолжение ќе може да ја видите целата постапка која беше опишана погоре.
You must be logged in to post a comment Login