Нешто вкусно, ароматично, нешто заводливо – што е тоа? Сигурно порција афродизијаци гарнирана со секс стимуланти. Афродизијаците се природни активатори на сексуалната желба, а секс стимулантите ги зголемуваат сексуалните можности.
Афродизијаците се познати уште од древноста, а името доаѓа од името на грчката божица на љубовта Афродита. Под афродизијак подразбираме сето она кое со форма, вкус и изглед може да го подхрани сексуалниот апетит. Врската меѓу храната и сексот е добро позната. Обично афродизијаците имаат различно влијание врз сексуалноста.
Прошетка во потсвеста. Доволно е да верувате дека одредена храна е афродизијак, за да го разбуди вашиот сексуален нагон. Афродизиjаците во комплет со моќта на сугестијата се во состојба да ги зголемат степените на сексуалната желба.
Љубов на прв поглед, прво дегустирање. Доволен е само ароматичен стимул за да предизвика желба, еден поглед за да предизвика акција и неверојатен вкус за да посакате и десерт од секс менито.
Одредени мириси се опфатени во делот афродизијаци уште во античките времиња. Според д-р Алан Хирш главен невролог во Фондацијата за истражување на мириси и вкусови во Чикаго, различните мириси ја поттикнуваат циркулацијата и се способни брзо да го променат расположените и однесувањето. Хирш вели дека најефикасни арома-афродизијаци се роза, сандалово дрво, ѓумбир, јасмин, лаванда.
Други научници пак утврдиле дека љубовта е доволен афродизијак кој опива повеќе од секој друг афродизијак. Според научниците, ако сакате некого тогаш сигурно го сакате и неговиот природен мирис на кожата кој ви делува како доволно силен афродизијак, и ви ја разгорува сексуалната желба.
Некоја храна пак спаѓа под афродизијак само затоа што нејзината форма се изедначува со формата на половите органи – банани, краставици, моркови и друго овошје и зеленчук.
За повеќето луѓе едни од најсилните афродизијаци се чоколада, јагоди, шампањско, грозје, банани, лук, индиски ореви … А едни од најефикасните природни афродизијаци се билки. Магдоносот влијае на хормоните, ментолот го стимулира дишењето и сексуалната желба, женшенот го зголемува производството на тестостерон. И голем број зачини се меѓу најефективните афродизијаци – шафран, кардамон, индиски оревче, ѓумбир.
На некои луѓе не им се потребни било какви афродизијаци за да посакаат да ја исконсумират љубовта. Најчесто, сепак, желбата за секс не е предуслов за постоењето и на исто толку големи можности за сексуални подвизи.
За таа цел се создадени вештачки афродизијаци и стимуланти за да го подобрат квалитетот на сексуалниот живот.
You must be logged in to post a comment Login