Осум или повеќе часови на работната маса лошо влијаат врз вашиот `рбет. Болките во долниот дел од грбот исто така стануваат секојдневна појава со која се борат се` повеќе луѓе. Доколку чувствувате непријатна болка за време на работното време издвојте 60 секунди и решете го овој проблем.
Притисокот и болката во долниот дел од грбот е честа појава. Болките се појавуваат поради лошо држење и оптоварување на долниот дел од карлицата, но и поради грч во телото предизвикан од стрес и умор.
За моментално ублажување на болката испробајте една кратка вежба со дишење која го опушта телото и го намалува чувството на притисок во лумбалниот дел.
Вежби за дишење против болки за 60 секунди
1. Седнете и заземете удобна положба. Затворете ги очите и обидете се да се опуштите.
2. Врвот на јазикот потпрете го веднаш позади горните предни заби.
3. Вдишете низ сон полека во траење од 4 секунди, задржете го здивот броејќи до седум и полека издишувајте низ уста броејќи до 8, произведувајќи тивок звук на олеснување.
4. Постапката повторете ја уште три пати.
Вежби пред спиење од 60 секунди
Секоја вечер пред спиење додека лежите во кревет, направете истегнување од 60 секунди.
1. Легнете на стомак и потпрете се на подлактици.
2. Горниот дел од телото подигнете го така што ќе се потпрете на лактите, подигнете ја и главата, задржете ја положбата 8 секунди и вратете се во почетната позиција. Вежбата повторете ја два пати.
3. Легнете на грб и свиткајте ги колената, а рацете испружете ги покрај телото. Подигнете ја карлицата во рамна положба, останете така осум секунди и вратете се во првобитната позиција.
4. Останете да лежите на грб и соберете ги нозете, свиткајте ги во колена, опфатете ги со рацете и повлечете кон градите. Останете во таа позиција осум секунди, па вратете се во првобитната позиција. Вежбите повторете ги два пати.
You must be logged in to post a comment Login