Спуштање по ѕид
Ова истегнување ги опушта рамената, вратот и половината. Застанете со грбот на ѕидот, со стапалата раздвоени во ширина на колковите, вовлекувајќи ги стомачните мускули навнатре кон ‘рбетот и со тоа допирајќи што поголем површина од грбот на ѕидот. Како што издишувате, спуштајте се надолу, додека не биде само вашиот задник и опавчето потпрени на ѕидот. Опуштете го вратот и рамената, дозволете на главата и рацете опуштено да висат. Дишете длабоко и бавно, правејќи 5 кругови навнатре, и 5 нанадвор. Бавно исправете се.
Варијација на „мачка“
Се опуштаат рамената, градниот кош, стомачните мускули и грбот. Клекнете, со рацете исправени допрете на подот, а колената ви се под прав агол со колковите (постигнувајќи поза на мачка). Издишете, вовлекувајќи ги стомачните мускули кон ‘рбетот, а спуштајќи ја главата и опавчето од ‘рбетот кон подот. Потоа вдишете, враќајќи се во обратна положба, главата и опавчето од ‘рбетот кон таванот. Повторете 5 пати. Следно, со хоризонтално исправен грб, завртете и сместете ја левата рака со дланката нагоре, помеѓу десната рака и десната нога. Истегнете ја раката колку што можете, и земете 5-8 пати длабоко воздух и повторете со десната рака.
Нагоре по ѕидот
Оваа вежба ги опушта колковите и задиниот дел од бедрата. Легнете на грб, со задникот колку што е можно поблиску до ѕидот. Испружете ги нозете нагоре по ѕидот, одржувајќи ги стапалата релаксирани и во ширина на колковите. Со помош на рацете, нежно притиснете ги бедрата кон ѕидот. Задржете ја положбата 5 до 8 дишења. Потоа бавно свиткајте ги колената во страна и спојте ги стапалата со табаните. Спуштете ги стапалата колку што можете пониско на ѕидот. Нежно притиснете ги колената и бедрата кон ѕидот. Задржете ја положбата 5 до 8 дишења.
You must be logged in to post a comment Login