Истражувачите кажуваат дека родителите кои ги скокоткаат децата додека им зборуваат им помага да ги идентификуваат зборовите во контуинирианиот говор.
Тим од Универзитетот Пурде за истражување, кажал дека осетот на бебето за допир е поврзан со развојот на јазикот повеќе одколку што се мислело.
,,Допирот го разбираме како начин на пренесување на емоции, но нашето истражување покажа дека новороденчињата можат да го поврзат допирот со говорот. До сега се објавени разни истражувања кои покажуваат дека допирот е важен за психо-физичкиот развој на детето, но ова е прво истражување кое ја истражува поврзаноста на допирот со учењето на јазикот”, кажала Аманда Сеидл од универзитетот, која го водела истражувањето.
Учењето на зборовите претставува голем предизвик за бебето со оглед на тоа што поголемиот број на зборови ги слушаат во континуиран говор. Родителите можат да направат пауза кога го изговараат името на детето, но не го прават тоа кога изговараат други зборови.
Истражувачите истражувале дали допирот може да му помогне на детето да открие кога зборот почнува а кога завршува во континуираниот говор.
,,Тие мораат да пронајдат збор пред да го поврзат со правилно значење. Бебето прво учи делови од телото, со оглед на тоа што родителите често ги допираат и ги изговараат зборовите кои се однесуваат на деловите од телото”, кажала Аманда.
Во истражувањето учествувале 48 бебиња стари четири месеци. Бебињата биле поделени во две групи – една слушала континуиран говор, а другите неповрзани зборови. Бебињата реагирале на континуираниот говор.
You must be logged in to post a comment Login