Муслиманите за време на Рамазан, светиот месец, месецот на побожност и жртва, постат и се одрекуваат од храната, од изгрејсонце до зајдисонце. Исто така, и Евреите го имаат истиот обичај кога го слават Јом Кипур…но, дали е потребно и идните мајки или доилки да ги применуваат овие верски обичаи.
Верските лидери често укажуваат на различни толкувања на законот, кои можат навистина да ги збунат мајките кои дојат или пак, идните мајки. Некои жени, навистина постат и се држат до религиозните практики и настојуваат да бидат комплетно одговорни кон обичаите и општеството.
Доколку доите, а во истовреме и постите, тогаш немојте да верувате дека ќе имате млеко во текот на целиот ден, бидејќи не внесувате доволно течности. Секогаш морате да имате подготвено млеко во шишенце. Исто така, размислете за сите останати медицински прашања поврзани со доењето. Можеби постојат сериозни, здравствени ризици кои се поврзани со постот, особено за мајките со дијабетес или други болести. Бидете сигурни дека сте целосно здрави и способни за да постите.
И последен совет – грижете за себе. Со постот можете да предизвикате замор, вртоглавица, кои дополнително можат негативно да се рефлектираат на вашето здравје но, дури и на доењето, бидејќи количината на млекото се намалува и сите негативности од вашиот организам ги пренесувате на вашето дете преку млекото.
Запомнете, секоја религија првенствено препорачува да се грижиме и да го сочуваме нашето здравје.
You must be logged in to post a comment Login