Исто како и лубеницата, дињата има потекло од Тропска Азија и Африка. Во светот има повеќе од 50 видови на дињи, а кај нас најпознати се ананасот и дињата канталупа.
Сепак, колку и да ги сакате, малку кој знае дека тие всушност се одлични за нашето здравје. Високото ниво на вода и калиум во дињата ја поттикнува работата на бубрезите, односно помага во детоксикација на организмот. Поради витамините А и Ц дињата делува и како антиоксиданс.
Прехранбените влакна од дињата го олеснуваат варењето и помагаат кај проблемите со желудникот, а самото овошје не освежува и психички не смирува. Поради ниската калориска вредност, таа е одлична за секој кој сака да држи диета.
Дињата најубаво е да се чува во фрижидер, но убаво е да ја завиткате во хартија, за да не се прошири нејзиниот интензивен мирис на другите намерници.
You must be logged in to post a comment Login