Истражувачите на Универзитетскиот колеџ во Лондон идентификувале молекуларен прекинувач кој може да го детектира зголемениот ризик за заболување од рак на дојка. Преку нивната работа се прави анализа на крвта и доколку постои зголемен ризик од заболување тој може да се идентификува во рана фаза.
Нивните наоди се темелат на ДНК анализа на крвта меѓу 119 пациентки кои имаат рак на дојка и 122 здрави жени од контролната група, а притоа сите учеснички во истражувањето ја поминале фазата на менопауза и биле следени 12 години.
Новооткриените маркери се поврзани со генот BRCA1 кој е познат како ризик фактор за рак на дојка, но покажано е дека е присутен и кај пациентки кои немале опасни мутации на тој ген.
Инаку, дел од гените BRCA1 и BRCA2 се наследуваат од родителите и во 10% од случаевите предизвикуваат рак на дојка.
Стручњаците направиле проценка дека жените со некои мутации на генот BRCA1 имаат 85% повеќе шанси да заболат од рак на дојка.
You must be logged in to post a comment Login