Еве како да направите сами масло за сончање

Летото пристигна, а со него одмор, плажа, сонце… Направете сами масло за сончање коe истовремено ќе ве штити и ќе ја негува кожата.

Продавниците се полни со разни средства за сончање, но вие можете и сами да направите.

Восок и масло – Потребно е:

–        ½  шолја бадемово или маслиново масло

–        ¼  шолја масло од кокос

–        ¼ шолја пчелин восок

–        2 лажици цинк оксид (се продава во аптеките)

–        2 лажици путер од кари

–        Екстракт од ванила или некое етерично масло по желба, за мирис

Подготовка: на тивок оган ставете го маслото, путерот и восокот. Кога ќе се олади додајте цинк оксид (внимавајте да не дишете дел од прашината). Сето тоа добро измешајте го. Користете го пред излегување на сонце, а рокот на траење е 6 месеци.

Масло и алое вера – Потребно е:

–        Половина шолја алое вера гел

–        20 капки масло од шаргарепи

–        Пет лажички масло од пченичен скроб

–        Лажица масло од коноп

–        Пет капки масло од лаванда

Подготовка: Измешајте ги сите состојки. Пред употреба добро протресете го, а рокот на траење е исто така 6 месеци.

Кога купувате растителни масла, обрнете внимание на тоа да не се нерафинирани и ладно цедени. Во спротивно, имаат помал заштитен фактор.